இலங்கை மக்களின் எதிர்காலத்தை அடுத்த 5 வருட காலத்துக்குத் தீர்மானிக்கபோவது யார் என்பது இன்னும் ஒரு வாரத்தில் தெரிந்துவிடும்.நான் இலங்கையில் நின்ற ,கடந்த இரண்டு மாத காலத்தில் ராஜபக்ஷக்களின் கோட்டையாக இருந்த காலி மாத்தறை அம்பாந்தோட்டை முதலான பல இடங்களுக்குச் சென்று பார்த்ததில் அனுர குமார திசாநாயக்காவுக்கான அலை வீசுவதை அவதானிக்க முடிந்தது.ரணிலும் சஜித்தும் தங்களுது முகவர்கள்மூலம் மக்களைத் தங்கள் கூட்டங்களுக்கு வலிந்து அழைத்துச் செல்வதையும் , ஆனால் அனுராவின் கூட்ட்ங்களுக்கு மக்கள் தாங்களாகவே வாகனங்களை ஒழுங்கு செய்து செல்வதையும் காணமுடிந்தது .தற்போது அவுஸ்திரேலியாவிலிருந்து இலங்கைக்கு திரும்பியுள்ள கலாநிதி லயனல் போபகே கூறியுள்ள ஒரு கருத்து சிங்கள தரப்பின் கவனத்தை ஈர்த்துள்ளது.

"அநுரகுமாரவே எனது தெரிவு: இலங்கையில் அதிகார கைமாற்றல் சுமுகமாக இடம்பெறும் என நம்புகிறேன்" ‍ இதுவே அந்தக் கருத்தாகும்.