மொசாத் (Mossad) அமைப்பின் முக்கிய அதிகாரி ரோமன் கோப்மென் (Roman Gofman) கொல்லப்பட்டாரா ?
இஸ்ரேலின் உளவுத்துறைத் தலைவர்களை வேட்டையாடும் நடவடிக்கையின் ஒரு பகுதியாக இந்த வெற்றி அமைந்துள்ளதாக ஈரானியப் புரட்சிக் காவலர் படை
ஈரானிய ஆதரவு ஊடகங்கள் மற்றும் சமூக வலைதளங்களில் இஸ்ரேலின் உளவு அமைப்பான மொசாத் (Mossad) அமைப்பின் முக்கிய அதிகாரி ரோமன் கோப்மென் (Roman Gofman) கொல்லப்பட்டதாக வெளியாகி வரும் செய்திகள் பெரும் பரபரப்பை ஏற்படுத்தியுள்ளன. ஈரான் நடத்திய 'ஆபரேஷன் ட்ரூ ப்ராமிஸ் 4' (Operation True Promise 4) ஏவுகணைத் தாக்குதல்களின் ஒரு பகுதியாக இந்தச் சம்பவம் நிகழ்ந்துள்ளதாகக் கூறப்படுகிறது.
இஸ்ரேலிய ராணுவத்தின் பிரிகேடியர் ஜெனரல் மற்றும் மொசாத் அமைப்பின் முக்கியப் பொறுப்பில் இருந்த ரோமன் கோப்மென் இலக்கு வைக்கப்பட்டதாகத் தகவல்கள் தெரிவிக்கின்றன. டெல் அவிவ் அல்லது ஜெருசலேமில் உள்ள உளவுத்துறை தொடர்பான முக்கிய அலுவலகம் அல்லது அவர் பயணித்த வாகனம் ஈரானின் அதிவேக ஏவுகணையால் (Hypersonic Missile) தாக்கப்பட்டதாகக் கூறப்படுகிறது.
இஸ்ரேலின் உளவுத்துறைத் தலைவர்களை வேட்டையாடும் நடவடிக்கையின் ஒரு பகுதியாக இந்த வெற்றி அமைந்துள்ளதாக ஈரானியப் புரட்சிக் காவலர் படை (IRGC) தெரிவித்துள்ளது. வழக்கம் போல, தனது உயர்மட்ட அதிகாரிகளின் இழப்புகள் குறித்து இஸ்ரேல் உடனடியாக எந்தத் தகவலையும் வெளியிடவில்லை. இருப்பினும், இஸ்ரேலிய ஊடகங்கள் "ஒரு முக்கிய பாதுகாப்பு அதிகாரி படுகாயமடைந்துள்ளார்" என்ற செய்தியை மறைமுகமாக வெளியிட்டு வருகின்றன.
இந்த இழப்பு இஸ்ரேலுக்குப் பெரியது? காரணம் ரோமன் கோப்மென் சாதாரண அதிகாரி அல்ல; அவர் இஸ்ரேலிய ராணுவத்தின் தரைப்படை மற்றும் உளவுத்துறையில் நீண்ட அனுபவம் கொண்டவர்.
