ஐரோப்பியப் படைகள் அனைத்தும் பயங்கரவாதிகள் - ஈரானின் அதிரடிப் பதிலடியால் வளைகுடாவில் பதற்றம்!
உள்நாட்டில் பொருளாதார நெருக்கடி மற்றும் மக்கள் போராட்டங்களால் ஈரான் அரசு நெருக்கடியில் இருந்தாலும், வெளிநாடுகளின் மிரட்டல்களுக்குப் பணிவதாகத் தெரியவில்லை.
ஐரோப்பியப் படைகள் அனைத்தும் பயங்கரவாதிகள் - ஈரானின் அதிரடிப் பதிலடியால் வளைகுடாவில் பதற்றம்!
"அமெரிக்கா தாக்கினால் முழு மத்திய கிழக்கும் போர்க்களமாகும்" - ஈரானிய மதத்தலைவர் கொமேனி கடும் எச்சரிக்கை!
ஐரோப்பிய ஒன்றியத்திற்கும் ஈரானுக்கும் இடையிலான இராஜதந்திர மோதல் தற்போது உச்சக்கட்டத்தை எட்டியுள்ளது. ஈரானின் முக்கியத் தூணாகக் கருதப்படும் 'புரட்சிகரப் பாதுகாவலர் படையை' ஐரோப்பிய ஒன்றியம் அண்மையில் பயங்கரவாத அமைப்பாக அறிவித்தது. இதற்குப் பதிலடி கொடுக்கும் வகையில், ஐரோப்பிய நாடுகளின் ராணுவங்கள் அனைத்தையும் "பயங்கரவாதக் குழுக்கள்" என்று ஈரான் அரசு அதிரடியாக அறிவித்துள்ளது.
ஈரான் நாடாளுமன்றத்தில் இதற்கான அறிவிப்பை வெளியிட்ட சபாநாயகர் மற்றும் நாடாளுமன்ற உறுப்பினர்கள், தங்கள் ராணுவத்திற்கு முழுமையான ஆதரவைத் தெரிவிக்கும் விதமாக, ராணுவச் சீருடை அணிந்தே அவைக்கு வந்திருந்தது உலக அரங்கில் பெரும் பரபரப்பை ஏற்படுத்தியுள்ளது. ஏற்கனவே அமெரிக்கா உள்ளிட்ட நாடுகள் ஈரானியப் படையைப் பயங்கரவாதப் பட்டியலில் சேர்த்துள்ள நிலையில், தற்போது ஐரோப்பாவும் அதே நிலைப்பாட்டை எடுத்திருப்பது ஈரானை சர்வதேச அளவில் மேலும் தனிமைப்படுத்தியுள்ளது.
இதற்கிடையில், அமெரிக்க அதிபர் டொனால்ட் டிரம்ப் இந்த விவகாரத்தில் இருவிதமான அணுகுமுறைகளைக் கையாண்டு வருகிறார். ஒருபுறம் ஈரானுடன் பேச்சுவார்த்தைக்கான வாய்ப்புகள் இருப்பதாகக் கூறினாலும், மறுபுறம் வளைகுடா பிராந்தியத்தில் விமானம் தாங்கிக் கப்பல்கள் உள்ளிட்ட போர்க்கப்பல்களைக் குவித்து அழுத்தத்தைக் கூட்டியுள்ளார்.
உள்நாட்டில் பொருளாதார நெருக்கடி மற்றும் மக்கள் போராட்டங்களால் ஈரான் அரசு நெருக்கடியில் இருந்தாலும், வெளிநாடுகளின் மிரட்டல்களுக்குப் பணிவதாகத் தெரியவில்லை. தேவைப்பட்டால் உலகின் முக்கிய வர்த்தகப் பாதையான ஹார்முஸ் ஜலசந்தியை முடக்குவோம் என்றும், தங்கள் ஏவுகணைத் தாக்குதல் எல்லைக்குள் பிராந்தியத்தில் உள்ள அமெரிக்கத் தளங்கள் இருப்பதாகவும் ஈரான் கடுமையாக எச்சரித்துள்ளது. வார்த்தைப் போர் முற்றி வருவதால், வளைகுடா பிராந்தியத்தில் போர் மேகங்கள் சூழும் அபாயகரமான சூழல் உருவாகியுள்ளது.
"அமெரிக்கா தாக்கினால் முழு மத்திய கிழக்கும் போர்க்களமாகும்" - ஈரானிய மதத்தலைவர் கொமேனி கடும் எச்சரிக்கை!
அமெரிக்க அதிபர் டொனால்ட் டிரம்ப் ஈரானுக்கு எதிராக ராணுவ பலத்தைப் பயன்படுத்தப் போவதாக மிரட்டல் விடுத்து வரும் நிலையில், ஈரானின் உச்சத் தலைவர் அயதுல்லா அலி கொமேனி அதற்குப் பதிலடி கொடுக்கும் வகையில் கடுமையான எச்சரிக்கை ஒன்றை விடுத்துள்ளார்.
"ஈரான் மீது அமெரிக்கா தாக்குதல் நடத்தினால், அது இரு நாடுகளுக்கு இடையிலான போராக மட்டும் சுருங்கிவிடாது; மாறாக, அது அந்தப் பிராந்தியம் முழுவதையும் உள்ளடக்கிய ஒரு பெரும் போராக வெடிக்கும்," என்று கொமேனி திட்டவட்டமாகக் கூறியுள்ளார். ஈரானின் முக்கிய முடிவுகளை எடுக்கும் அதிகாரம் கொண்ட அவர், "அமெரிக்கர்கள் இம்முறை போரைத் தொடங்கினால், அதன் விளைவுகள் எல்லை தாண்டி எதிரொலிக்கும் என்பதை நினைவில் கொள்ள வேண்டும்," என்றும் வலியுறுத்தியுள்ளார்.
மேலும், ஈரானில் அண்மையில் நடைபெற்ற மக்கள் போராட்டங்களை வெறும் எதிர்ப்பு ஆர்ப்பாட்டங்களாகப் பார்க்காமல், அவற்றை ஒரு "ஆட்சிக்கவிழ்ப்பு முயற்சி" (Coup d'état) போலவே கொமேனி வர்ணித்துள்ளார்.
ஏற்கனவே இஸ்ரேலால் தொடங்கப்பட்ட ஒரு குறுகிய காலப் போரின் போது, அமெரிக்கா ஈரான் மீது வான்வழித் தாக்குதல்களை நடத்தியிருந்தது குறிப்பிடத்தக்கது. இந்நிலையில், தற்போதைய சூழலில் மீண்டும் ஒரு போர் மூளுமானால், அது மத்திய கிழக்கு பிராந்தியம் முழுவதையும் பாதிக்கும் அபாயம் இருப்பதாக கொமேனி யின் பேச்சு உணர்த்துகிறது.
