பல மொழிகளில் விளம்பரம்! கனடாவில் இனி புகலிடம் கோரிக்கை எளிதல்ல.

.

கனடாவில் இனி புகலிடக் கோரிக்கை பெறுவது என்பது என்பது எளிதல்ல என்று கனேடிய அரசாங்கம் உலகளாவிய ரீதியில் எச்சரிக்கை விளம்பரம் ஒன்றினை விடுத்துள்ளது.

மேலும் சுமார் 178,662 அமெரிக்க டொலர்கள் செலவில் தமிழ், இந்தி, உருது, ஸ்பேனிஷ் உள்ளிட்ட 11 மொழிகளில் இவ் எச்சரிக்கையானது விளம்பரம் வெளியிடப்பட்டுள்ளது.

இந்தநிலையில், இந்நடவடிக்கை கனேடிய மக்களிடையே செல்வாக்கு குறைவடைந்து வரும் ஜஸ்டின் ட்ரூடோ (Justin Trudeau) அரசாங்கத்தினுடைய, அரசியல் தந்திரம் என்று ஒரு சில தரப்புகளில் இருந்து விமர்சனங்கள் எழுந்துள்ளன.

இக் குறித்த விளம்பரத்தில், கனடாவில் இனி புகலிடம் கோருவது எளிதல்ல. தகுதி பெறுவத்ற்கு கடுமையான வழிமுறைகள் உள்ளன. மேலும் முடிவெடுக்கும் முன்னர் அவை குறித்து நன்கு தெரிந்துகொள்ளுங்கள் என குறிப்பிடப்பட்டுள்ளது.

பொதுவில் , புலம்பெயர் மக்களுக்கு வாய்ப்புக்களை அதிகம் வழங்கி வரும் கனேடிய அரசாங்கம், தற்போது புலம்பெயர் மக்களை உள்வாங்கும் எண்ணிக்கையை குறைத்துள்ளதுடன் டொனால்ட் ட்ரம்பினால் அமெரிக்காவில் இருந்து கனடாவுக்கு தற்காலிகமாக குடியேறும் மக்களையும் தடுத்து வருகின்றமை குறிப்பிடத்தக்கது ஆகும்.