இன்று உலக தொழிலாளர் தினம். அனைத்து தொழிலாளர்களுக்கும் எமது தோழமை கலந்த வாழ்த்துக்கள்!.

.

 
இன்று உலக தொழிலாளர் தினம். அனைத்து தொழிலாளர்களுக்கும் எமது தோழமை  கலந்த வாழ்த்துக்கள். இன்னாள், உலக தொழிலாளர் வர்க்கம் தனது பறிக்கப்பட்ட, மறுக்கப்பட்ட உரிமைகளுக்காக தொடர்ச்சியாக நடத்திவரும் போராட்டத்தை நினைவு கூரும் நாள். தமது உரிமைகளுக்காக போராடாமல் மௌனமாக இருக்கும் எவருமே தமது உரிமைகளை வென்றுவிட முடியாது என்பதை குறிக்கும் நாள். ஒன்று படுவது மூலமே போராடும் பலத்தை நாம் பெற முடியும் என்பதை குறிக்கும் நாள். 
உரிமைகள் பறிக்கப்பட்ட, உரிமைகள் மறுக்கப்பட்ட ஈழத் தமிழ் தேசிய இனம் ஒன்று படுவதன் மூலம் தன் பலத்தை பெற்று தன் விடுதலையை வென்றெடுக்க முடியும் என்பதை இந்நாள் எமக்கு நினைவு படுத்துகிறது. ஒரு தேசிய இனத்தின் விடுதலைப் போராட்டம் என்பது அந்த இன மக்களின் போராட்டமாகும். எமது விடுதலைப் போராட்டமும் இதையே குறித்து நிற்கிறது. சங்கதி குழுமம் இதையே தனது தலையாய கடமையாகக் கொண்டு பயணிக்கிறது என்பதை அனைவருக்கும் இந்நாளில் தெரியப்படுத்திக் கொள்கிறோம்.