வங்காள விரிகுடாவில் குறைந்த காற்றழுத்த தாழ்வு பகுதி காரணமாக, வடக்கு,கிழக்குப் பகுதிகளில் உள்ள மக்கள் மிகவும் விழிப்புடன் இருக்குமாறு அறிவுறுத்தல்!
73 பிரதான நீர்த்தேக்கங்களில் 25 பிரதான நீர்த்தேக்கங்கள் வெளியேற்றப்பட்டுள்ளதாகவும், 24 நடுத்தர அளவிலான நீர்த்தேக்கங்கள் வெளியேற்றப்பட்டுள்ளது.
இலங்கையின் தென்கிழக்கில் வங்காள விரிகுடாவில் குறைந்த காற்றழுத்த தாழ்வு பகுதி காரணமாக, அம்பாறை, மட்டக்களப்பு, அனுராதபுரம், பொலன்னறுவை, திருகோணமலை, வவுனியா, யாழ்ப்பாணம் மற்றும் வடக்குப் பகுதிகளில் உள்ள மக்கள் மிகவும் விழிப்புடன் இருக்குமாறு அறிவுறுத்தப்பட்டுள்ளதாக நீர்ப்பாசனத் திணைக்களத்தின் பொறியியலாளர் எல்.எஸ். சூரியபண்டார தெரிவித்தார்.
நிலவும் வானிலையைப் பொறுத்து, எதிர்காலத்தில் மழையின் தீவிரத்தைப் பொறுத்து நீர்த்தேக்கங்களின் வான் கதவுகள் திறக்கப்பட வேண்டியிருக்கும் என்றும் அவர் சுட்டிக்காட்டினார்.
அரசாங்க தகவல் திணைக்களத்தில் நேற்று (08) நடைபெற்ற ஊடகவியலாளர் சந்திப்பில் பங்கேற்ற அவர், அனைத்து ஆறுகளின் நீர்மட்டமும் தற்போது அபாய அளவை விடக் குறைவாக இருப்பதாகவும், அனைத்து நீர்த்தேக்கங்களின் கொள்ளளவு 80% முதல் 90% வரை இருப்பதாகவும் குறிப்பிட்டார்.
73 பிரதான நீர்த்தேக்கங்களில் 25 பிரதான நீர்த்தேக்கங்கள் வெளியேற்றப்பட்டுள்ளதாகவும், 24 நடுத்தர அளவிலான நீர்த்தேக்கங்கள் வெளியேற்றப்பட்டுள்ளதாகவும் அல்லது வான் கதவுகள் திறக்கப்பட்டுள்ளதாகவும் அவர் கூறினார்.
அதன்படி, கிழக்கு, வடக்கு, வடமத்திய, மத்திய, தெற்கு மற்றும் ஊவா மாகாணங்களை உள்ளடக்கிய நீர்த்தேக்கங்களில் மதகுகள் மற்றும் வெளியேற்றங்கள் திறக்கப்பட்டு வருவதாக சுட்டிக்காட்டினார்.
கிழக்கு மாகாணத்தில் உள்ள சேனநாயக்க சமுத்திரம் தற்போது குறைந்த நீர் மட்டத்தில் உள்ளது, ஆனால் அந்த மாவட்டத்தில் உள்ள சில நீர்த்தேக்கங்கள் வெளியேற்றப்பட்டு வருவதாகவும் அவர் சுட்டிக்காட்டினார். மட்டக்களப்பு மாவட்டத்தில் உள்ள மாதுரு ஓயா மற்றும் முந்தானை ஆறுகளில் நீர் மட்டம் உயரும் அபாயம் உள்ளது என்றும், மதுரு ஓயா வெளியேற்றப்பட்டுள்ளதாகவும், யான் ஓயா மற்றும் பதவிய நீர்த்தேக்கங்களின் மதகுகள் திறக்கப்பட்டுள்ளதாகவும் அவர் தெரிவித்தார்.
பொலன்னறுவை மற்றும் அனுராதபுரம் மாவட்டங்களில் உள்ள பல நீர்த்தேக்கங்களின் வான் கதவுகள் இப்போது திறக்கப்பட்டுள்ளதால், சம்பந்தப்பட்ட பகுதிகளில் உள்ள பொதுமக்கள் விழிப்புடன் இருக்குமாறு நீர்ப்பாசனத் திணைக்களத்தின் மேலும் தெரிவித்துள்ளது
