பிரெஞ்சு புரட்சியின் மிகவும் மிரட்சியூட்டும் சமத்துவத்தின் குறியீடாகப் பார்க்கப்படும் கில்லட்டின் (Guillotine)

"குற்றம் செய்தவர் யாராக இருந்தாலும், ஒரே மாதிரியான கருவியால், வலியே தெரியாமல் மிக விரைவாகத் தலை துண்டிக்கப்பட வேண்டும்."

பிரெஞ்சு புரட்சியின் மிகவும் மிரட்சியூட்டும், அதே சமயம் சமத்துவத்தின் குறியீடாகப் பார்க்கப்படும் கில்லட்டின் (Guillotine) உருவான கதை இதோ!
கில்லட்டின்: மரணத்திலும் சமத்துவத்தைத் தேடிய ஒரு விசித்திரமான வரலாறு

முன்பு நாம் பார்த்த "ஐந்து காசு வண்டிகள்" திட்டத்தில் உயர்குடி மக்கள் காட்டிய அதே வர்க்கப் பாகுபாடு, தண்டனை வழங்குவதிலும் நிலவியது. பிரெஞ்சு புரட்சிக்கு முன்பு, ஒரு பிரபுவுக்கு மரண தண்டனை விதிக்கப்பட்டால், அவர் வாளால் தலை துண்டிக்கப்பட்டு "கௌரவமாக" கொல்லப்படுவார். ஆனால், ஒரு சாதாரண ஏழைக்குத் தூக்குத் தண்டனையோ அல்லது சித்திரவதை செய்யப்பட்டுக் கொல்லப்படும் கொடூரமான முறைகளோதான் பரிசாகக் கிடைத்தன.

இந்த அநீதியைக் கண்டு மனம் வருந்திய மருத்துவர் ஜோசப்-இக்னேஸ் கில்லட்டின், "மரணத்திலாவது மனிதர்கள் அனைவரும் சமமாக நடத்தப்பட வேண்டும்" என்று வாதிட்டார். 1789-ஆம் ஆண்டு பிரெஞ்சு நாடாளுமன்றத்தில் அவர் ஒரு முன்மொழிவை வைத்தார்: "குற்றம் செய்தவர் யாராக இருந்தாலும், ஒரே மாதிரியான கருவியால், வலியே தெரியாமல் மிக விரைவாகத் தலை துண்டிக்கப்பட வேண்டும்."

இந்த இயந்திரத்தின் சில சுவாரசியமான உண்மைகள்:
மனிதாபிமான நோக்கம்: ஆரம்பத்தில் இது ஒரு கொடூரமான கருவியாகக் கருதப்படவில்லை. மாறாக, தூக்கிலிடும்போது அல்லது வாளால் வெட்டும்போது ஏற்படும் தேவையற்ற வலியைத் தவிர்க்க உருவாக்கப்பட்ட ஒரு "மனிதாபிமான" கருவியாகவே பார்க்கப்பட்டது.
சமத்துவத்தின் வாள்: "அனைவருக்கும் ஒரே தண்டனை, ஒரே கருவி" என்ற அடிப்படையில் இது 'சமத்துவத்தின் சின்னம்' ஆனது. மன்னர் பதினாறாம் லூயி முதல் சாதாரணக் குடிமகன் வரை அனைவரும் இதன் மூலமே தண்டிக்கப்பட்டனர்.

பெயரில் வந்த சோதனை: இந்த இயந்திரத்தை மருத்துவர் கில்லட்டின் வடிவமைக்கவில்லை (அன்டோயின் லூயிஸ் என்பவர்தான் வடிவமைத்தார்). ஆனால், இதைப் பரிந்துரைத்ததால் இதற்கு அவர் பெயரே சூட்டப்பட்டது. தனது பெயர் ஒரு கொலைக்கருவியோடு இணைக்கப்படுவதை அவர் வாழ்நாள் முழுவதும் வெறுத்தார். அவரது குடும்பத்தினர் பின்னாளில் தங்கள் குடும்பப் பெயரையே மாற்றிக்கொண்டனர்.

கில்லட்டின் முற்றுப்புள்ளி வைத்த கொடுங்கோன்மை:
 ரொபெஸ்பியர் தலைமையில் நடந்த ஆட்சிக் அதிகாரத்தைச் சிதைத்தது. "சுதந்திரம், சமத்துவம், சகோதரத்துவம்" என்ற கொள்கைகளை ஏற்க மறுத்தவர்கள் இந்தக் கருவியின் முன் மண்டியிட வைக்கப்பட்டனர். வரலாற்றின் மிகப்பெரிய முரண் என்னவென்றால், ஆயிரக்கணக்கானோருக்கு கில்லட்டின் மூலம் மரண தண்டனை வழங்கிய அதே ரொபெஸ்பியர், இறுதியாக அதே கில்லட்டின் மூலமே கொல்லப்பட்டார்.  இந்த அதிரடி மாற்றங்கள் நிகழாமல் இருந்திருந்தால், பிரான்சில் நிலப்பிரபுத்துவ முறை ஒழிந்திருக்காது. "எல்லோரும் இந்நாட்டு மன்னர்" என்ற சமத்துவக் கொள்கை உலகிற்குத் தெரியாமலேயே போயிருக்கும்.

- சிவா சின்னப்பொடி