தமிழரசுக் கட்சி முக்கியஸ்தர் பதவிவிலகவேண்டும்: கட்சி உறுப்பினர்கள் அழுத்தம்
.
தமிழரசுக் கட்சியின் தேசியப் பட்டியல் தொடர்பான முடிவினை எடுப்பதற்கான அரசியல்குழுக்கூட்டம் நடைபெற்றுக்கொண்டிருக்கும் இந்த நேரத்தில், தமிழரசுக் கட்சியின் செயலாளர் பதவி விலகவேண்டும் என்ற கோரிக்கை கட்சி உறுப்பினர்களால் முன்வைக்கப்பட்டுவருகின்றது.
தமிழரசுக் கட்சியின் தேசியப் பட்டியல் தொடர்பான கடிதத்தை தேர்தல் ஆணையாளருக்கு அனுப்பாது, தேசியப் பட்டியல் நியமனம் தொடர்பான சதிக்குத் துணைபோய்விட்டார் என்று குற்றம் சுமத்தியே, கட்சியின் செயலாளரைப் பதவிவிலகுமாகு அழுத்தம் வெளியிடப்பட்டுவருகின்றது.
தமிழசுக் கட்சி தயாரித்த தேசியப் பட்டியல் பெயர்விபரக் கடிதத்தை தேர்தல் ஆணையாளருக்கு தமிழரசுக் கட்சியின் செயலாளர் அனுப்பவேயில்லை என்று தற்பொழுது தெரியவந்துள்ளது.
பட்டியலைத் தயாரித்து கடிதத் தலைப்பில், செயலாளர் சத்தியலிங்கம் கையொப்பம் இட்டு அந்தக் கடிதம் ஊடகங்களுக்கு வெளியிடப்பட்டனவே தவிர, அந்தக் கடிதத்தை அவர் தேர்தல் ஆணையாளருக்கு அனுப்பிவைக்கவேயில்லையாம்.
திட்டமிட்டுத்தான் அந்தக் கடிதம் அனுப்பப்படவில்லை என்று குற்றம்சுமத்தும் கட்சி உறுப்பினர்கள், கட்சியின் செயலாளர் பதவிவிலகவேண்டும் என்று கோரிக்கைவிடுத்துவருகின்றார்கள்.
