யாழ்ப்பாணத்தின் இரு முன்னணி பாடசாலைகளான சாவகச்சேரி இந்துக்கல்லூரி மற்றும் மானிப்பாய் இந்துக்கல்லூரி கிரிக்கெட் போட்டி!
22, 23ஆம் திகதிகளில் மானிப்பாய் இந்துக்கல்லூரி விளையாட்டு மைதானத்தில் போட்டி நடைபெறவுள்ளது.
யாழ்ப்பாணத்தின் வரலாற்றுச் சிறப்புமிக்க இரு முன்னணி பாடசாலைகளான சாவகச்சேரி இந்துக்கல்லூரி மற்றும் மானிப்பாய் இந்துக்கல்லூரி ஆகியவற்றின் கிரிக்கெட் அணிகள் மோதும் "Battle of the Hindu brothers" (இந்துச் சகோதரர்களின் பெரும் சமர்) 3ஆவது இருதின கிரிக்கெட் போட்டி எதிர்வரும் 22, 23ஆம் திகதிகளில் மானிப்பாய் இந்துக்கல்லூரி விளையாட்டு மைதானத்தில் விமரிசையாக நடைபெறவுள்ளது.
சொந்த மைதான சாதகத்துடன் களம் காணும் மானிப்பாய் இந்துக்கல்லூரி அணிக்கு, சாவகச்சேரி இந்துக்கல்லூரி அணி பலத்த சவாலை வழங்கும் என எதிர்பார்க்கப்படும் இப்போட்டியைத் தொடர்ந்து, இரு பாடசாலைகளினதும் பழைய மாணவர்களுக்கு இடையிலான விசேட T20 கிரிக்கெட் போட்டி எதிர்வரும் 24ஆம் திகதி அதே மைதானத்தில் நடைபெறவுள்ளது.
இப்போட்டிகளைக் கண்டு களித்து வீரர்களை உற்சாகப்படுத்துமாறு இரு பாடசாலைகளினதும் பழைய மாணவர்கள், தற்போதைய மாணவர்கள் மற்றும் விளையாட்டு ஆர்வலர்களுக்கு ஏற்பாட்டுக் குழுவினர் அழைப்பு விடுத்துள்ளனர்.
