"புற்றுநோய்க்குத் தடுப்பூசி வருமா?" - ரஷ்யாவின் அறிவிப்பும், ஜெனிவாவின் ஆய்வும் சொல்லும் சேதி!

உள்ளே இருக்கும் புற்றுநோய் உயிரணுக்களைத் தாக்கிக் கட்டியைக் கரைப்பதே புதிய தொழில்நுட்பம்.

"புற்றுநோய்க்குத் தடுப்பூசி வருமா?" - ரஷ்யாவின் அறிவிப்பும், ஜெனிவாவின் ஆய்வும் சொல்லும் சேதி!
இன்று Journée mondiale contre le cancer (உலகப் புற்றுநோய் நாள்) அனுசரிக்கப்படுகிறது. உலகம் முழுவதும் புற்றுநோய் பாதிப்பு அதிகரித்து வந்தாலும், மருத்துவத் துறையில் நடந்து வரும் ஆய்வுகள் நோயாளிகளுக்குப் புதிய நம்பிக்கையை அளித்து வருகின்றன. 

 பொதுவாக Covid-19 போன்ற தொற்றுநோய்களுக்கு வருமுன் காக்கும் தடுப்பூசி போடுவது வழக்கம். ஆனால், புற்றுநோயைப் பொறுத்தவரை, நோய் வந்த பிறகு அதைக் குணப்படுத்தும் 'சிகிச்சைத் தடுப்பூசி' (Vaccin thérapeutique) கண்டுபிடிப்பதே ஆய்வாளர்களின் முக்கிய இலக்காகும். அதாவது, உடலின் Système immunitaire-ஐ (நோய் எதிர்ப்பு மண்டலம்) தூண்டி, உள்ளே இருக்கும் புற்றுநோய் உயிரணுக்களைத் தாக்கிக் கட்டியைக் கரைப்பதே இந்தத் தொழில்நுட்பம்.

 இந்தத் துறையில் ஒரு முக்கிய முன்னேற்றமாக, ஜெனிவா பல்கலைக்கழக மருத்துவமனை (HUG) மற்றும் பல்கலைக்கழகக் குழுவினர், தனிநபர் தேவைக்கேற்ப உருவாக்கப்பட்ட ஒரு தடுப்பூசியை வெற்றிகரமாக மனிதர்களிடம் சோதித்துள்ளனர். இதற்காக அவர்களுக்கு விருதும் கிடைத்துள்ளது. இது எதிர்காலச் சிகிச்சையில் ஒரு மைல்கல்லாகப் பார்க்கப்படுகிறது.
மறுபுறம், மேற்கத்திய நாடுகளுக்குப் போட்டியாக Russie (ரஷ்யா)வும்  புற்றுநோய் தடுப்பூசி தயாரிப்பில் தாங்கள் இறுதிக்கட்டத்தை எட்டிவிட்டதாகத் தெரிவித்துள்ளது. "எங்கள் நாட்டு விஞ்ஞானிகள் புற்றுநோய்க்கான தடுப்பூசியை உருவாக்குவதில் மிக அருகில் உள்ளனர்; விரைவில் அது நோயாளிகளின் பயன்பாட்டிற்கு வரும்," என்று ரஷ்ய அதிபர் விளாடிமிர் புடின் அண்மையில் நம்பிக்கையோடு அறிவித்திருந்தார். இதுவும் தனிநபர் சிகிச்சையாகவே அமையும் என்று எதிர்பார்க்கப்படுகிறது.

 இப்படிப் பல நாடுகள் நம்பிக்கையளித்தாலும், இது இப்போதே அனைவருக்கும் கிடைக்கும் ஒரு 'மாய மருந்து' அல்ல. ஒவ்வொருவரின் உடலில் உள்ள Tumeurs (கட்டிகள்) மிகவும் சிக்கலான மற்றும் மாறுபட்ட தன்மை கொண்டவை. இதனால், நோயாளியின் உடலுக்கு ஏற்றவாறு நோய் எதிர்ப்புச் சக்தியைத் தூண்டுவது சவாலான காரியமாக உள்ளது.
தற்போதைய நிலையில் Chirurgie (அறுவை சிகிச்சை), Radiothérapie (கதிர்வீச்சு சிகிச்சை) ஆகியவையே முதன்மையாக உள்ளன. ஆயினும், ஜெனிவா மற்றும் ரஷ்யாவின் முயற்சிகள், வருங்காலத்தில் தடுப்பூசி மூலம் புற்றுநோயை வெல்ல முடியும் என்ற நம்பிக்கை விதையை விதைத்துள்ள.