அகதிகள் மற்றும் வீடற்றவர்களின் தங்குமிடச் செலவு – பல பில்லியன் யூரோக்கள்.

50,000க்கும் மேற்பட்ட வீடற்றவர்கள் ஹோட்டல்களில் தங்க வைக்கப்பட்டுள்ளனர். இதற்காக 790 ஹோட்டல்கள் பயன்படுத்தப்படுகின்றன.

பிரான்சில் அதிர்ச்சி தகவல்: அகதிகள் மற்றும் வீடற்றவர்களின் தங்குமிடச் செலவு – பல பில்லியன் யூரோக்களை அள்ளிக் கொடுக்கும் அரசு!
பிரான்ஸ் அரசின் நிதிச் சுமைகுறித்த ஒரு பரபரப்பான தகவல் வெளியாகி உள்ளது. நாட்டிற்குள் வரும் அகதிகள் மற்றும் வீடற்றவர்களை தங்க வைப்பதற்காக, பிரான்ஸ் அரசாங்கம் ஒவ்வொரு ஆண்டும் பல பில்லியன் யூரோக்களை செலவிடுகிறது. இந்தச் செலவினத்தின் அளவு அதிர்ச்சி அளிப்பதாக உள்ளது.

நிதியை உறிஞ்சும் தங்குமிடத் திட்டங்கள்!
பிரம்மாண்டமான செலவு: 2024 ஆம் ஆண்டிற்கான அவசரகால தங்குமிடங்களுக்கான பட்ஜெட் குறித்த ஆய்வில், பிரான்ஸ் அரசு கிட்டத்தட்ட 3 பில்லியன் யூரோக்களுக்கு மேல் (300 கோடி யூரோக்களுக்கு மேல்) செலவு செய்வதாகத் தெரியவந்துள்ளது. இது மருத்துவத் தங்குமிடங்களுக்கான செலவைச் சேர்க்காமல் உள்ள ஒரு தொகை!
பாரிஸ் திணறுகிறது: தலைநகர் பாரிஸில் நிலைமை இன்னும் மோசமாக உள்ளது. கடந்த மாதம், பாரிஸில் உள்ள தற்காலிக முகாம்களில் மட்டும் 1,600 பேர்வரை வீடற்றவர்களாக இருந்தது ஒரு சாதனை அளவை எட்டியுள்ளது. அவசரகால தங்குமிடங்கள் நிரம்பி வழிகின்றன.
ஹோட்டல் தங்குமிடம்: பாரிஸ் பிராந்தியத்தில் (Île-de-France) மட்டுமே, 50,000க்கும் மேற்பட்ட வீடற்றவர்கள் ஹோட்டல்களில் தங்க வைக்கப்பட்டுள்ளனர். இதற்காக 790 ஹோட்டல்கள் பயன்படுத்தப்படுகின்றன.
பெரும்பாலானவர்கள் குடியேறிகளே: முன்னாள் வீட்டுவசதித் துறை அமைச்சர் கில்லௌம் காஸ்பாரியன் (Guillaume Kasbarian) கூற்றுப்படி, அவசரகால தங்குமிடங்களில் உள்ள ஹோட்டல் அறைகளில் மூன்றில் இரண்டு பங்கு ஆக்கிரமிப்புகள்  உரிய வதிவிட அனுமதியின்றி குடியேறியவர்களால் (irregular migrants) தான் நிரப்பப்பட்டுள்ளன.
இந்த நபர்களின் தங்கும் காலம் குறுகியதாக இல்லை. இவர்கள் சராசரியாக 3 ஆண்டுகள் தங்குவதாகவும், அவர்களில் 20% பேர் 5 ஆண்டுகள்வரை கூடத் தங்குவதாகவும் அதிர்ச்சி தகவல் வெளியாகி உள்ளது.
ஆக, பிரான்சில், வீடற்றவர்கள் மற்றும் குடியேறியவர்களின் தங்குமிடச் செலவு என்பது அரசாங்கத்திற்கு ஒரு பெரும் நிதிச் சுமையை ஏற்படுத்தி வருகிறது. இந்த அதிகப்படியான செலவினம் பொதுமக்களிடையே ஒரு பெரிய விவாதப் பொருளாக மாறியுள்ளது