டெஸ்லாவின் இந்திய நுழைவுக்கு முன்னதாக எலான் மஸ்க்குடன் பேசிய பிரதமர் மோடி; என்ன பேசினார்?
இந்திய மின்சார வாகன சந்தையில் நுழைவதற்கான வாய்ப்புகளை டெஸ்லா ஆராய்ந்து வருவதாகக் கூறப்படும் நேரத்தில் இந்த உரையாடல் வந்துள்ளது.
தொழில்நுட்பம் மற்றும் புதுமைத் துறைகளில் இந்தியாவிற்கும், அமெரிக்காவிற்கும் இடையிலான ஒத்துழைப்பை வலுப்படுத்துவதை மீண்டும் உறுதிப்படுத்திய பிரதமர் நரேந்திர மோடி, வெள்ளிக்கிழமை டெஸ்லா மற்றும் ஸ்பேஸ்எக்ஸ்தலைமை நிர்வாக அதிகாரி எலான் மஸ்க்குடன்தொலைபேசியில் உரையாடினார்.
இந்திய மின்சார வாகன சந்தையில் நுழைவதற்கான வாய்ப்புகளை டெஸ்லா ஆராய்ந்து வருவதாகக் கூறப்படும் நேரத்தில் இந்த உரையாடல் வந்துள்ளது.
இந்த ஆண்டு வாஷிங்டன் டிசியில் நடந்த சந்திப்பை அடிப்படையாகக் கொண்டு, இருவரும் பல்வேறு தலைப்புகளைப் பற்றி விவாதித்தனர்.
இந்தியாவின் வேகமாக வளர்ந்து வரும் தொழில்நுட்ப சுற்றுச்சூழல் அமைப்புக்கும், அதிநவீன கண்டுபிடிப்புகளில் மஸ்க்கின் முயற்சிகளுக்கும் இடையே வளர்ந்து வரும் ஒத்துழைப்பை இந்த உரையாடல் எடுத்துக்காட்டுகிறது.
X பதிவு
உரையாடலின் விவரங்களை X இல் வெளியிட்ட பிரதமர் மோடி
X இல் இன்று நடந்த உரையாடலின் விவரங்களைப் பகிர்ந்து கொண்ட பிரதமர் மோடி,"எலான் மஸ்க்குடன் பேசினேன், இந்த ஆண்டு தொடக்கத்தில் வாஷிங்டன் டிசியில் நடந்த எங்கள் சந்திப்பின் போது நாங்கள் விவாதித்த தலைப்புகள் உட்பட பல்வேறு விஷயங்கள் குறித்துப் பேசினேன்".
"தொழில்நுட்பம் மற்றும் புதுமைத் துறைகளில் ஒத்துழைப்புக்கான மகத்தான ஆற்றலைப் பற்றி நாங்கள் விவாதித்தோம். இந்தத் துறைகளில் அமெரிக்காவுடனான எங்கள் கூட்டாண்மைகளை முன்னேற்றுவதற்கு இந்தியா தொடர்ந்து உறுதிபூண்டுள்ளது" என்று எழுதினார்.
டெஸ்லாவின் இந்தியா நுழைவு.
வரும் மாதங்களில் மும்பைக்கு அருகிலுள்ள ஒரு துறைமுகத்திற்கு சில ஆயிரம் கார்களை அனுப்பவுள்ளதாக கூறப்படுகிறது. இந்த சூழலில், பிரதமர் எலான் மஸ்க்குடன் தொலைபேசியில் உரையாடியது குறிப்பிடத்தக்கது. உள்வட்டாரங்களை மேற்கோள் காட்டி ப்ளூம்பெர்க்அறிக்கையின்படி, டெஸ்லா இந்த ஆண்டு மூன்றாம் காலாண்டில் மும்பை, டெல்லி மற்றும் பெங்களூரில் விற்பனையைத் தொடங்க திட்டமிட்டுள்ளது. இந்தியாவில் டெஸ்லாவின் எதிர்பார்க்கப்படும் அறிமுகமும், இறக்குமதி வரிகள் தொடர்பாக இந்தியாவிற்கும், அமெரிக்காவிற்கும் இடையே நடந்து வரும் பேச்சு வார்த்தைகளுடன் ஒத்துப்போகிறது.
முன்னதாக அமெரிக்கா பயணத்தின் போது நடைபெற்ற பிரதமர் மோடி- மஸ்க் சந்திப்பைத் தொடர்ந்து டெஸ்லாவின் இந்தியத் திட்டங்களில் ஒரு உத்வேகத்தை காணமுடிகிறது. அப்போதிருந்து, ஷோரூம்கள் மற்றும் டெலிவரி தொடர்பான பணிகளுக்கு நிறுவனம் பணியமர்த்தத் தொடங்கியுள்ளதாக கூறப்படுகிறது.உரையாடலின் விவரங்களை X இல் வெளியிட்ட பிரதமர் மோடி
