பிரான்ஸின் புதிய குடியேற்றச் சட்டங்களின் அடிப்படையில், நீங்கள் பாதிப்படையாமல் இருக்க வைத்திருக்க வேண்டிய ஆவணங்கள்!

சம்பளச் சீட்டுகள் மற்றும் வரி ஆவணங்கள் உங்கள் சட்டப்பூர்வ இருப்பை நிரூபிக்கும் மிக வலிமையான ஆயுதங்கள்.

பிரான்ஸின் புதிய குடியேற்றச் சட்டங்களின் அடிப்படையில், நீங்கள் பாதிப்படையாமல் இருக்கவோ அல்லது புதிய சலுகைகளைப் பயன்படுத்தவோ தயாராக வைத்திருக்க வேண்டிய முக்கியமான ஆவணங்கள் 

1. 'பற்றாக்குறை பணி' (Métiers en Tension) விசாவுக்கான ஆவணங்கள்
நீங்கள் ஆவணங்கள் இல்லாமல் (Sans-papiers) வேலை செய்து கொண்டிருப்பவராயின், இந்தப் புதிய விசா மூலம் உங்களை முறைப்படுத்திக்கொள்ள (Regularization) பின்வரும் ஆவணங்கள் அவசியம்:
வேலைக்கான ஆதாரம்: கடந்த 24 மாதங்களில் குறைந்தது 12 மாதங்கள் பற்றாக்குறை உள்ள துறையில் (கட்டுமானம், உணவகம், விவசாயம் போன்றவை) வேலை செய்ததற்கான சம்பளச் சீட்டுகள் (Bulletins de paie).
குடியிருப்பு ஆதாரம்: பிரான்ஸில் கடந்த 3 வருடங்களாகத் தொடர்ந்து வசிப்பதற்கான ஆதாரம் 
குற்றப் பின்னணி இன்மை: உங்கள்மீது எவ்விதக் குற்றவியல் வழக்குகளோ அல்லது தண்டனைகளோ இல்லை என்பதற்கான சான்று (Casier Judiciaire).
வேலை ஒப்பந்தம் (Cerfa form): முதலாளி கையெழுத்திட்ட வேலை உறுதிப் படிவம் அல்லது ஒப்பந்தம். (சில சமயம் முதலாளியின் ஒத்துழைப்பு இல்லாமலே விண்ணப்பிக்க முடியும் என்ற புதிய விதியும் விவாதிக்கப்படுகிறது, எனவே சம்பள பட்டியல்  மிக முக்கியம்).

 2. மொழித் தேர்ச்சி சான்றிதழ்கள் 
புதிய விதிகளின்படி, பிரெஞ்சு மொழித் திறன் கட்டாயமாக்கப்பட்டு வருகிறது.
நீண்ட கால விசா (Carte de Séjour Pluriannuelle): குறைந்தபட்சம் A2 நிலை தேர்ச்சி.
குடியுரிமை அல்லது 10 வருட விசா (Carte de Résident): குறைந்தபட்சம் B1 அல்லது B2 நிலை தேர்ச்சி.
இதற்காக அங்கீகரிக்கப்பட்ட DELF அல்லது TCF தேர்வுச் சான்றிதழ்களைக் கைவசம் வைத்திருப்பது மிகவும் பாதுகாப்பானது.

3. குடியிருப்பு மற்றும் சமூக ஒருங்கிணைப்பு (Integration)
சமூக பங்களிப்பு: வரிக் கணக்கு தாக்கல் செய்த ஆவணங்கள் (Avis d'imposition). நீங்கள் வருமான வரி கட்டாவிட்டாலும், வரிக் கணக்கு தாக்கல் செய்வது அவசியம்.
குழந்தைகள் கல்வி: உங்களுக்குக் குழந்தைகள் இருந்தால், அவர்கள் பள்ளியில் தொடர்ந்து பயில்வதற்கான சான்றிதழ்கள் (Certificat de scolarité).
தங்குமிடச் சான்று: உங்கள் பெயரில் மின்சாரக் கட்டணம் (EDF) அல்லது கேஸ் கட்டண ரசீதுகள். ஒருவேளை நீங்கள் நண்பர் வீட்டில் தங்கினால், அவர்களிடமிருந்து தங்குமிடச் சான்றிதழ் (Attestation d'hébergement) மற்றும் அவர்களின் அடையாள அட்டை நகல்.

முக்கிய குறிப்பு
இந்த ஆவணங்கள் அனைத்தையும் அசல் (Original) மற்றும் நகல் (Photocopy) என இரண்டு செட்களாகப் பராமரிப்பது நல்லது. குறிப்பாக, சம்பளச் சீட்டுகள் மற்றும் வரி ஆவணங்கள் உங்கள் சட்டப்பூர்வ இருப்பை நிரூபிக்கும் மிக வலிமையான ஆயுதங்கள்.

சிவா சின்னப்பொடி