இன்று(11) நள்ளிரவுடன் பொதுத் தேர்தல் பிரசார நடவடிக்கைகள் நிறைவு.

தேர்தல் பிரச்சாரங்கள்.

பொதுத் தேர்தல் தொடர்பான பிரசார நடவடிக்கைகள் இன்று(11) நள்ளிரவுடன் நிறைவடைகின்றன.

அனைத்து வேட்பாளர்களும் இன்று(11) நள்ளிரவுக்குள் தமது பிரசார நடவடிக்கைகளை நிறைவு செய்ய வேண்டும் என தேர்தல் ஆணைக்குழு அறிவித்துள்ளது.

இதுவரையில் தேர்தல் சட்டங்களை மீறிய குற்றச்சாட்டில் வேட்பாளர்கள் உள்ளிட்ட 400 பேர் கைது செய்யப்பட்டுள்ளனர்.

இந்நிலையில் பொதுத் தேர்தல் தொடர்பில் கிடைத்துள்ள முறைப்பாடுகளின் எண்ணிக்கை 2,580 ஆக அதிகரித்துள்ளதாக தேர்தல் ஆணைக்குழு தெரிவித்துள்ளது.

அவற்றில் வன்முறைச் சம்பவங்கள் தொடர்பில் 20 முறைப்பாடுகள் பதிவாகியுள்ளன.

தேர்தல் சட்டங்களை மீறியமை தொடர்பில்  2,525 முறைப்பாடுகள் கிடைத்துள்ளதாக தேர்தல் ஆணைக்குழு தெரிவித்துள்ளது.