உயிர் வேலிகளின் சிறப்பு.

நிலத்தைப் பாதுகாப்பதில் உயிர் வேலிகளின் பங்கு அதிகம். முன்பெல்லாம், தானாகவே வளர்ந்து உயிர் வேலிச் செடி காணப்படும். ஆனால் இப்போது கால மாற்றத்தினால் நிலத்தைச் சுற்றிச் சீமெந்துச் சுவர்களை அமைக்கின்றனர். அவற்றை விட உயிர் வேலிகள் நன்மைகள் பயப்பவை. உயிர் வேலி அமைக்கும் பகுதியில் உள்ள மரங்கள் நிலத்திற்குள் வரும் காற்றை தடுக்கும் தடுப்பானாகவும் அமையும். உயிர் வேலிகளுக்கு மண் அரிப்பு, காற்று அரிப்பைத் தடுக்கும் சக்தி உண்டு. உயிர்வேலி, உள்ளே நாம் பயிரிடும் பழ மரங்கள், தென்னை, வாழை போன்றவைகளைக் கீழே சாய விடாமல் காற்றின் வேகத்தைக் குறைத்துத் தடுக்கும் தடுப்பாகப் பயன்படுகிறது. கடற்கரை ஓரங்களிற் காற்றினால் மண் வாரி இறைப்பது தடுக்கப்படுகிறது. மண் மேடு உருவாவதும் தடுக்கப்படுகிறது. உயிர் வேலி மரங்கள் : பரம்பை முள், கிளுவை முள், கள்ளிச்செடி, நொச்சி, பனைமரம், கொடிப் பூவரசு, கொடுக்காப்புளி, இலந்தைமுள், சவுக்கு காகிதப் பூ , கலாக்காய்மரம், சீகைக்காய் மரம் இன்னும் பல. இவை பல்லுயிர்களின் வாழ்விடமாகவும் அமையும்.