கிராம சேவையாளர் தொழிற்சங்க கூட்டமைப்பு தமது பல கோரிக்கைகளுக்கு தீர்வுகளை வழங்காமல் காலம் தாழ்த்தியமையை கண்டித்து மூன்று நாட்களாக கடமைகளில் ஈடுபடாமல் கடும் தொழிற்சங்க நடவடிக்கையில் ஈடுபட தீர்மானித்துள்ளது.

நிர்வாக அதிகாரிகளின் பிரச்சினைகளைத் தீர்ப்பதற்கு அரசாங்கம் விரைவான முடிவுகளை எடுக்க வேண்டுமென அவர்கள் வலியுறுத்தியுள்ளனர்.

எங்கள் கூட்டணி பல ஆண்டுகளாக இந்த பிரச்சினைகளை விவாதித்து வருகிறது, ஆனால் எங்கள் பிரச்சினைகளுக்கான தீர்வுகள் தொடர்ந்து தாமதமாகின்றன, இதனையடுத்து, நேற்றைய தினம் (26) முதல் மூன்று நாட்களுக்கு பணிகளில் ஈடுபடாமல் இருக்க கூட்டமைப்பு தீர்மானித்துள்ளது. வார இறுதி நாட்களிலும், சிறப்பு அரசு விடுமுறை நாட்களிலும் வேலை செய்வதில்லை என்றும் கூட்டணி முடிவு செய்துள்ளது. எங்களின் கோரிக்கைகளுக்கு அரசு பதில் அளிக்காவிட்டால், மாவட்ட அளவில் போராட்டம் தொடரும், என மேற்படி கூட்டமைப்பு தெரிவித்துள்ளது..