ஆட்சியில் இரு அநுர குமாரக்கள்
.
ஜனாதிபதி அநுர குமார திசாநாயக்க மேடையில் ஒன்றைக் கூறுகிறார். ஜனாதிபதி கதிரையில் அமரும் போது வேறொன்றைக் கூறுகிறார். இரட்டை சகோதரர்கள் மாதிரி நடிக்கிறார் என புதிய ஜனநாயக முன்னணியின் சிலிண்டர் சின்ன கம்பஹா மாவட்ட வேட்பாளர் நிமல் லான்சா தெரிவித்தார்.
கட்டான, எத்காலையில் நடைபெற்ற தேர்தல் பிரசார கூட்டத்தில் உரையாற்றும்போதே இவ்வாறு தெரிவித்த அவர் தொடர்ந்து உரையாற்றுகையில்,
பொதுவாக ஜனாதிபதி ஒருவர் வெற்றிபெற்றதன் பின்னர் கொடுத்த வாக்குறுதிகளை நிறைவேற்றிவிட்டே அடுத்த தேர்தலுக்கு செல்வார். கொடுத்த வாக்குறுதிகளை நிறைவேற்ற முடியாது என ஜனாதிபதி அநுரவுக்குத் தெரியும். ஆனால் மக்கள் அதனை அறிந்திருக்கவில்லை. அதனால் தான் பாராளுமன்றத் தேர்தலை அவசரமாக நடத்துகின்றார்.
மக்கள் அநுர குமார கூறிய 75 வருட சாபம், அமைச்சர்கள் களவு செய்தமை, ஊழல் மோசடியில் ஈடுபட்டமை மற்றும் உழைக்கும் போது செலுத்தும் வரியின் மட்டத்தை அதிகரித்தல், வட் வரியை குறைத்தல், சம்பள உயர்வு, பிணை இல்லாமல் கடன் வழங்கல் போன்ற வாக்குறுதிகளை நம்பி வாக்களித்தனர்.
மேடையில் பேசும் அநுர குமார ஒருவர். ஜனாதிபதி கதிரையில் அமர்ந்து பேசும் அநுர குமார் இன்னொருவர். இரட்டை சகோதரர்கள் போல் நடிக்கிறார். மேடைக்குச் சென்றால் வாக்குறுதிகளை அள்ளி வழங்குகிறார். பழைய அரசுகளின் ஊழல் மோசடிகளைப் பற்றி பேசுகிறார். ஜனாதிபதி கதிரையில் அமரந்தவுடன் அவற்றைப் பற்றிப் பேசுவதில்லை. அப்படி என்றால் இரட்டை சகோதரர்களுக்கு மக்கள் ஏமாந்துள்ளனர்.மேடையிலுள்ளவர் வாய்வீச்சுஅநுர , கதிரையில் உள்ளவர் ஒன்றும் பேசாத ஊமை அநுர என்றார்.
2.jpg)
