அந்தோனியார் ஆலய திருவிழாவிற்கு சென்ற படகு கவிழ்ந்து இருவர் உயிரிழப்பு!
விபத்து இடம்பெற்ற உடனே அப்பகுதியைச் சேர்ந்த கடற்றொழிலாளர்கள் விரைந்து செயற்பட்டு மீட்புப் பணிகளில் ஈடுபட்டனர்.
யாழ்ப்பாணத்தில் சோகம்: அந்தோனியார் ஆலய திருவிழாவிற்கு சென்ற படகு கவிழ்ந்து இருவர் உயிரிழப்பு!
யாழ்ப்பாணம் - குருநகர் இறங்குதுறையிலிருந்து பாலைதீவு புனித அந்தோனியார் ஆலய திருவிழாவிற்காகப் புறப்பட்ட படகு ஒன்று இன்று காலை கடலில் மூழ்கி விபத்துக்குள்ளாகியுள்ளது.
இந்தக் கோர விபத்தில் சிக்கி இருவர் உயிரிழந்துள்ள நிலையில், அவர்களின் சடலங்கள் மீட்கப்பட்டுள்ளன. மேலும், சிறுவர்கள், பெண்கள் மற்றும் முதியவர்கள் உள்ளிட்ட பலர் நீரில் மூழ்கிய நிலையில், அவர்களில் ஐந்து பேர் மீட்கப்பட்டு யாழ். போதனா வைத்தியசாலையில் சிகிச்சைக்காக அனுமதிக்கப்பட்டுள்ளனர்.
விபத்து இடம்பெற்ற உடனே அப்பகுதியைச் சேர்ந்த கடற்றொழிலாளர்கள் விரைந்து செயற்பட்டு மீட்புப் பணிகளில் ஈடுபட்டனர். புனித திருவிழாவிற்குச் சென்ற பயணிகளின் படகு கவிழ்ந்த இந்தச் சம்பவம் அப்பகுதியில் பெரும் சோகத்தை ஏற்படுத்தியுள்ளது.
குருநகர் பகுதியில் இருந்து பாலைதீவுக்கு சென்ற ரோலர் படகு கடலில் மூழ்கி பலர் காணாமல் போய் உள்ளதாக தெரிவிக்கப்படுகிறது. இவர்கள் தென் இலங்கையில் இருந்து வந்தவர்கள் என தெரிவிக்கப்படுகிறது. படகோட்டியின் சடலம் மீட்பு. காணாமல் போனவர்களை தேடும் பணி முன்னெடுக்கப்பட்டு வருகின்றது.
