விவசாயிகளுக்கு இழப்பீடு வழங்கும் செயற்பாடு ஆரம்பம்!

,

கடந்த ஆண்டு நவம்பர் மாதம் ஏற்பட்ட வெள்ளப்பெருக்கினால் பாதிக்கப்பட்ட விவசாயிகளுக்கு இழப்பீடு வழங்கும் செயற்பாடு இன்று முதல் ஆரம்பிக்கப்படவுள்ளதாக கமநல காப்புறுதி சபையின் தலைவர் பிரேமசிறி ஜாசிங்கஆராய்ச்சி தெரிவித்துள்ளார்.

இதன்படி, 13379 ஏக்கருக்கான இழப்பீடு இன்று வழங்கப்படவுள்ளதுடன், விவசாயிகளின் வங்கி கணக்குகளுக்கு இழப்பீடு தொகை வைப்பிலிடப்படும் எனவும் தெரிவிக்கப்பட்டுள்ளது.

இன்றைய இழப்பீட்டுத் தொகை நெல் விவசாயிகளுக்கு மட்டுமே வழங்கப்படவுள்ளதாக கமநல காப்புறுதி சபை தெரிவித்துள்ளது.

இதற்கமைய, இழப்பீடு வழங்கும் பணிகள் பொலன்னறுவை, முல்லைத்தீவு, வவுனியா, திருகோணமலை மாவட்டங்ககளில் ஆரம்பிக்கப்படுவதாக கமநல காப்புறுதி சபையின் தலைவர் பிரேமசிறி ஜாசிங்கஆராய்ச்சி தெரிவித்துள்ளார்.