பரிஸிற்கு நாடுகடத்தப்படும் இலங்கை ஆவா குழு தலைவர்

,

2022 ஆம் ஆண்டு பிரான்ஸ் தலைநகர் பாரிஸ் அருகே ஒரு போட்டி கும்பல் மீது நடந்த மிக மோசமான தாக்குதலில் ஈடுபட்டதாகக் கூறப்படும் குற்றச்சாட்டில் கடந்தாண்டு டொராண்டோவில் கைது செய்யப்பட்ட இலங்கையைச் சேர்ந்த ஆவாகுழு தலைவனை நாடு கடத்த ஒன்ராறியோ நீதிபதி அனுமதி அளித்துள்ளார்.

டொராண்டோ தெற்கு தடுப்பு மையத்தில் தடுத்து வைக்கப்பட்டுள்ள பிரசன்னா நல்லலிங்கம், கனடாவின் நீதித்துறை அமைச்சரின் ஒப்புதலுக்காக காத்திருக்கும் நிலையில் 30 நாட்களுக்குப் பின்னர் பிரான்சிடம் ஒப்படைக்கப்படவுள்ளதாக வெளிநாட்டு ஊடகமொன்று செய்தி வெளியிட்டுள்ளது.

ஆவா குழுவின் தலைவன் என அறியப்படும் நல்லலிங்கம், கடந்த 2022 ஆம் ஆண்டு செப்டம்பர் 21 ஆம் திகதி,  ஆவா (AAVA) கும்பலின் நான்கு உறுப்பினர்களுக்கு ஆயுதங்களை வழங்கியுள்ளதாகவும், பின்னர் போட்டி குழுவினரின் 'வாகனத்தை அடித்து நொருக்க' பரிஸின் வடக்கு புறநகர்ப் பகுதியில் அமைந்துள்ள லா கெர்னெவ் என்ற நகருக்கு செல்லுமாறு அறிவுறுத்தியுள்ளதாகவும் தெரிவிக்கப்படுகின்றது.

குறிப்பிட்ட குழுவினர் இரண்டு கார்களில் நள்ளிரவு லா கெர்னெவ்வுக்கு சென்றுள்ளனர்.. நல்லலிங்கத்தின் கூட்டாளிகள் என்று கூறப்படும் நான்கு பேர், வாகனம் ஒன்றிலிருந்து கத்தி மற்றும் வாள்களுடன் இறங்கிய காட்சிகள் அந்த நாட்டு பாதுகாப்பு கெமரா காட்சிகளில் காணப்பட்டுள்ளன.

நல்லலிங்கத்தின் வழக்கறிஞர்கள், தமது கட்சிக்காரர் ஆவா குழு உறுப்பினர்களுக்கு காரை நொறுக்குமாறு அறிவுறுத்தியதை ஒப்புக்கொண்டனர்.

இந்த வழக்கு தொடர்பாக கருத்து தெரிவித்த ஆவா குழு தலைவனின் சார்பில் ஆஜாரான சட்டத்தரணிகள் தெரிவிக்கையில்,

அனைத்து வழக்குகளையும் போலவே, நல்லலிங்கத்தை நாடுகடத்துவது குறித்த இறுதி முடிவு கனடா நீதி அமைச்சரிடம் உள்ளது. அவர் செயல்முறையை நிறுத்த அல்லது 30 நாட்கள் வரை மேலதிக நிபந்தனைகளை விதிக்க சமர்ப்பிப்புகளைப் பெறலாம்.

இந்த முடிவை ஒன்ராறியோவின் உச்ச நீதிமன்றத்திலும் மேல்முறையீடு செய்யலாம். இந்த வழக்கில், மேல்முறையீட்டு நீதிமன்றம் நாடுகடத்தல் செயல்முறை குறித்து இறுதி முடிவை எடுக்கும் வரை ஒருவரை நாடுகடத்த முடியாது. மேலும் அமைச்சரிடம் சமர்ப்பிப்புகளைச் செய்துஇ பிரான்சிடம் அவர் சரணடைவதைத் தடுக்க மேலும் வழிகளைப் பின்பற்ற திட்டமிட்டுள்ளளோம் என நல்லலிங்கத்தின் சட்டதரணிகள் தெரிவித்துள்ளனர்.