இனி காஷ்மீரில் எல்லைக் கட்டுப்பாட்டுக் கோடு கிடையாது? சிம்லா ஒப்பந்தத்தை நிறுத்தி வைப்பதாக பாகிஸ்தான் அறிவிப்பு!

ஏப்ரல் 30 ஆம் தேதிக்குள் இஸ்லாமாபாத்தில் உள்ள இந்திய தூதரக ஊழியர்களை 30 ஆக பாகிஸ்தான் குறைக்கும்.

பஹல்காமில் சமீபத்தில் நடந்த பயங்கரவாதத் தாக்குதலுக்கு இந்தியா ராஜாங்க ரீதியில் நடவடிக்கை எடுத்ததைத் தொடர்ந்து, பாகிஸ்தான் 1972 சிம்லா ஒப்பந்தத்தை நிறுத்தி வைப்பதாக தடாலடியாக அறிவித்துள்ளது. 

பாகிஸ்தான் ஊடகமான டான் வெளியிட்ட அறிக்கையின்படி, பாகிஸ்தானின் தேசிய பாதுகாப்புக் குழு, இந்தியாவின் நடவடிக்கைக்கு பதில் நடவடிக்கையை அறிவிப்பதற்காக கூடி இரண்டு மணி நேரத்திற்கும் மேல் விவாதித்துள்ளது. 

அப்போது, பஹல்காம்பயங்கரவாத தாக்குதலில் உயிர் இழப்புகளைக் கண்டிப்பதாக கூறி, அதேநேரம் இந்தியாவின் நடவடிக்கையை நிராகரித்தது. 

அதை "ஒருதலைப்பட்சமானது, அநீதியானது மற்றும் அரசியல் ரீதியாக உந்துதல் கொண்டது" என்று கூறியது. 

மேலும், இதனால் சிம்லா ஒப்பந்தத்தை முடிவுக்கு கொண்டுவருவதாக அறிவித்துள்ளது.

சிம்லா ஒப்பந்தத்தின் முக்கிய அறிவிப்புகள்!

1971 போருக்குப் பிறகு கையெழுத்தான சிம்லா ஒப்பந்தம், இருதரப்பு உறவுகளின் ஒரு மையமாக இருந்தது. 

காஷ்மீரில் எல்லைக் கட்டுப்பாட்டுக் கோட்டை (எல்ஓசி) நிறுவியது மற்றும் இரு நாடுகளும் நேரடி உரையாடல் மூலம் சச்சரவுகளைத் தீர்க்க இந்த ஒப்பந்தம் உறுதியளித்தது. 

இந்நிலையில், தற்போது அந்த ஒப்பந்தத்தை இடைநிறுத்தம் செய்து, பதற்றத்தை அதிகரித்துள்ளது. 

மேலும், வாகா-அட்டாரி எல்லையை வர்த்தகத்திற்காக காலவரையின்றி மூடுவது, இந்திய நாட்டினருக்கான சார்க் விசா விலக்குகளை நிறுத்தி வைப்பது மற்றும் தனிநபர் அல்லாதவர்களாக அறிவிக்கப்பட்ட இந்திய இராணுவ அதிகாரிகளை வெளியேற்றுவது ஆகிய அறிவிப்புகளையும் பாகிஸ்தான் வெளியிட்டுள்ளது. 

கூடுதலாக, ஏப்ரல் 30 ஆம் தேதிக்குள் இஸ்லாமாபாத்தில் உள்ள இந்திய தூதரக ஊழியர்களை 30 ஆக பாகிஸ்தான் குறைக்கும்.