தமிழ் மக்கள் படுகொலை நினைவு நாளை முன்னிட்டு கனடா பிரதமர் மார்க் கார்னி வெளியிட்ட அறிக்கை – மே 18, 2025

உயிரிழந்தோரை நினைவுகூரல் மற்றும் தமிழ் சமூகத்துடன் ஒருமைப்பாடு

தமிழ் மக்கள் படுகொலை நினைவு நாளை முன்னிட்டு கனடா பிரதமர் மார்க் கார்னி வெளியிட்ட அறிக்கை – மே 18, 2025
ஒட்டாவா, மே 18, 2025 – இலங்கையில் இடம்பெற்ற உள்நாட்டுப் போரின் சிக்கலான இறுதிகட்டங்களில், ஆயிரக்கணக்கான தமிழ் மக்கள் உயிரிழந்ததை நினைவுகூரும் தமிழ் மக்கள் படுகொலை நினைவு நாளில், கனடாவின் பிரதமர் மார்க் கார்னி ஆழமான வருத்தத்துடன் தனது உரையை வெளியிட்டுள்ளார்.

 “இன்று, இலங்கையில் இடம்பெற்ற கொடூரமான உள்நாட்டுப் போர் முடிவடைந்த 16வது ஆண்டு நினைவு நாள். இந்த யுத்தம் பல ஆயிரக்கணக்கானவர்கள் உயிரிழப்புக்கும், கணிசமான இடம்பெயர்வுக்கும், மனிதாபிமான மற்றும் சமூகப் பாதிப்புகளுக்கும் காரணமானது,” என பிரதமர் கார்னி தெரிவித்தார்.

உயிரிழந்தோரை நினைவுகூரல் மற்றும் தமிழ் சமூகத்துடன் ஒருமைப்பாடு

 “தமிழ் மக்கள் படுகொலை நினைவு நாளில், இந்தக் கொடூரங்களால் பாதிக்கப்பட்ட குடும்பங்களின் துயரங்களை நாங்கள் பகிர்ந்துகொள்கிறோம். கனடாவின் தமிழ் சமூகத்தினருடன் நான் இணைகிறேன். அவர்கள் நினைவுகள் தொடர்ந்தும் உயிருடன் இருக்கும்,” என அவர் கூறினார்.

இவ்வுரையை ஆங்கிலம், பிரஞ்சு மற்றும் தமிழ் மொழிகளில் வெளியிட்டது குறிப்பிடத்தக்கது. இது கனடா அரசு தமிழ் மக்களிடம் காட்டும் அக்கறையை பிரதிபலிக்கிறது.

நீதிக்கான வலியுறுத்தல் மற்றும் சர்வதேச பொறுப்பு

பிரதமர் கார்னி தனது அறிக்கையில், மனித உரிமை மீறல்களுக்கு நியாயமான தீர்வு தேவை என்றும், இலங்கை அரசின் நடவடிக்கைகள் குறித்து சர்வதேச சமூகம் பொறுப்புடன் செயல்பட வேண்டும் என்றும் வலியுறுத்தினார்.

“நீதிக்கான முயற்சிகள் மற்றும் பொறுப்பேற்பு அவசியம். பாதிக்கப்பட்டவர்களின் வலியையும், அவர்கள் எதிர்கொள்ளும் சவால்களையும் உணர்வதுடன், இந்தப் பயங்கர நிகழ்வுகளுக்குப் பின்னால் இருந்தவர்களுக்கு பொறுப்பேற்பும் வேண்டியது மிக முக்கியம்,” என அவர் தெரிவித்தார்.

நிலையான சமாதானத்திற்கான கனடாவின் உறுதி

“கனடா, இலங்கையில் நிலையான, முழுமையான, நீதி சார்ந்த சமாதானம் நிலைபெறக் கடமைப்பட்டுள்ள நாடாக இருக்கிறது. சுயாதீனமான சான்றளிப்பின் அடிப்படையில் உண்மை மற்றும் பொறுப்பேற்பை நோக்கி நீண்டகால முயற்சிகளை நாங்கள் தொடர்ந்து ஆதரிக்கிறோம்,” என பிரதமர் கூறினார்.

மே 18 தமிழருக்குப் பொதுவான பிணைப்பு நாளாக மட்டுமல்ல; அது தமிழர்களின் துயர வரலாற்றைக் கூர்மையாக நினைவுகூறும் நாள். பிரதமர் மார்க் கார்னி வெளியிட்டுள்ள இந்த உரை, உலகத் தமிழர்களுக்கு நீதிக்குரிய ஓர் முக்கியமான ஒலியாக அமைந்துள்ளது.

 ஈழத்து நிலவன்