பாலியல் குற்றச்சாட்டில் இலங்கையர் சுமித் குணசேகரா கைது !
அமெரிக்காவில் - குடிவரவு அதிகாரிகள் அதிர்ச்சி தகவல் வெளியீடு!
அமெரிக்காவில் உள்ள பெர்ரிஸ் ஸ்டேட் பல்கலைக்கழகத்தில் (Ferris State University) சந்தைப்படுத்தல் உதவி பேராசிரியராகப் பணியாற்றிய இலங்கையைப் பூர்வீகமாகக் கொண்ட சுமித் குணசேகரா (Sumith Gunasekera) என்பவரை அமெரிக்கக் குடிவரவு அதிகாரிகள் கைது செய்துள்ளதாக தகவல் வெளியாகியுள்ளது.
அமெரிக்கக் குடிவரவு அமலாக்கப் பிரிவு (ICE) தெரிவித்ததாவது, அவருக்கு கடந்த பல ஆண்டுகளாக மரண அச்சுறுத்தல்கள் மற்றும் சிறாருடன் தொடர்புடைய பாலியல் குற்றங்கள் தொடர்பான தண்டனைகள் உள்ளன.
1998 முதல் தொடரும் குற்றப் பின்னணி
அமெரிக்க உள்நாட்டுப் பாதுகாப்புத் துறையின் (DHS) அறிக்கையின்படி:
நவம்பர் 12 அன்று டெட்ராய்டில் ICE அதிகாரிகள் சுமித் குணசேகராவை கைது செய்தனர்.
இவர் இலங்கையின் கொழும்பு பல்கலைக்கழகத்தில் இயற்பியலில் இளங்கலை பட்டமும், அமெரிக்காவின் நெவாடா பல்கலைக்கழகத்தில் புள்ளிவிவரவியல் முனைவர் பட்டமும் பெற்றவர்.
1998இல் அமெரிக்கா சென்ற பின்னர் கனடாவுக்குச் சென்ற குணசேகரா அங்கு:
1998 ஆகஸ்ட் — மரண அச்சுறுத்தல் குற்றச்சாட்டில் கைது
அதற்கு மூன்று நாட்களுக்குப் பிறகு —
சிறார் தொடர்புடைய பாலியல் தொந்தரவு & பாலியல் தலையீடு குற்றச்சாட்டில் மீண்டும் கைது
பின்னர் குற்றத்தை ஒப்புக்கொண்ட அவருக்கு:
ஒரு மாதம் சிறை தண்டனை, ஒரு வருட நன்னடத்தை (probation) வழங்கப்பட்டது.
மீண்டும் 2003ல் கைது
2003 செப்டம்பர் — லாஸ் வேகாஸ்
“Open and gross lewdness” (அப்பட்டமான, ஒழுக்கமற்ற நடத்தை) குற்றச்சாட்டில் கைது
2004 ஜனவரி — disorderly conduct குற்றத்திற்காக தண்டனை
குடிவரவு அமைப்பை பல ஆண்டுகளாக பயன்படுத்தியதாக குற்றச்சாட்டு
உள்நாட்டுப் பாதுகாப்புத் துறையின் உதவிச் செயலாளர் டிரிசியா மெக்லாலின் இந்த சம்பவத்தை கடுமையாக விமர்சித்துள்ளார்.
பல ஆண்டுகளாக இவரது கனடா தண்டனைகள் சட்டப்பூர்வ குடிவரவு தகுதிக்கு பூர்த்தி ஆகாத நிலையில், அவர் தொடர்ந்து அமெரிக்க குடிவரவு அமைப்பை தவறாக பயன்படுத்தி வந்ததாக ICE தெரிவித்துள்ளது.
தற்போது, சுமித் குணசேகரா குடிவரவு நடைமுறைகள் நடந்துவரும் நிலையில் ICE காவலில் வைக்கப்பட்டுள்ளார்.
