Breaking News
ஜனாதிபதி தமிழ் மக்களுக்கு பதில் சொல்ல வேண்டும். நினைவேந்தலை அரசு தடுக்கக்கூடாது!
சுரேஷ் பிரேமச்சந்திரன் யாழ்ப்பாணத்தில் ஊடக சந்திப்பு ஒன்றை நடத்தினார்.
நினைவேந்தலை அரசு தடுக்கக்கூடாது; ஜனாதிபதி தமிழ் மக்களுக்கு பதில் சொல்ல வேண்டும்.
முள்ளிவாய்க்கால் நினைவேந்தலை அரசு தடுக்கக்கூடாது என சுரேஷ் பிரேமச்சந்திரன் யாழ்ப்பாணத்தில் ஊடக சந்திப்பு ஒன்றை நடத்தினார் இதன் போதே இவ்வாறு தெரிவித்தார்.
அவர் மேலும் தெரிவிக்கையில்,
முள்ளிவாய்க்கால் வாரம் ஆரம்பிக்கப்பட்டுள்ளது இறுதி நேரத்தில் மக்கள் மிக மிக மோசமாக பாதிக்கப்பட்டார்கள் கஞ்சிக்கு கூட வழியில்லாமல் மக்கள் இறந்தனர். கஞ்சிக்காக வரிசையில் நின்ற வயோதிபர்கள், குழந்தைகள் கொல்லப்பட்டார்கள்.
இறுதி காலங்களில் அந்த மக்கள் எவ்வாறான நெருக்கடிக்கு உள்ளாகி இருந்தார்கள் என்பதை வருங்கால தலைமுறை அறிந்து கொள்வதற்காக இந்த முள்ளிவாய்க்கால் கஞ்சி மக்களுக்கு வழங்கப்பட்டு வருகிறது.
மூதூரில் நடைபெற்ற போது அதனை செய்த பெண்களை மோசமாக கைது செய்தனர். இது ஒரு தொடர்ச்சியான அசிங்கமான விடயம், இனிமேல் இவ்வாறான விடயம் நடைபெற கூடாது,ஜனாதிபதி தமிழ் மக்களுக்கு பதில் சொல்ல வேண்டும் என தெரிவித்தார்.
