கணினி குற்றங்களில் ஈடுபட்டதாகக் கருதப்படும் 198 வெளிநாட்டவர்கள் கைது!

கைது செய்யப்பட்ட இவர்கள் அனைவரும் 25 முதல் 35 வயதுக்கு இடைப்பட்டவர்கள் என பொலிஸார் குறிப்பிட்டுள்ளனர்.

"இந்தியர்கள் 174 பேர் கைது.''தென் மாகாணத்தின் மூன்று வெவ்வேறு பகுதிகளில் முன்னெடுக்கப்பட்ட விசேட சோதனைகளின் போது, கணினி குற்றங்களில் ஈடுபட்டதாகக் கருதப்படும் 198 வெளிநாட்டவர்கள் பொலிஸாரால் கைது செய்யப்பட்டுள்ளனர்.
மிதிகம, ஹிக்கடுவை மற்றும் காலி ஆகிய பகுதிகளில் இந்த சுற்றிவளைப்புகள் மேற்கொள்ளப்பட்டுள்ளன. கைது செய்யப்பட்டவர்களில் பெரும்பாலானோர் இந்தியப் பிரஜைகள் எனத் தெரிவிக்கப்பட்டுள்ளது.

கைது செய்யப்பட்ட மொத்த 198 பேரில் இனங்காணப்பட்டவர்கள்: இந்தியர்கள்: 174 பேர், நேபாளிகள்: 25 பேர், 
நேற்று (11) இரவு மிதிகம பொலிஸ் பிரிவிற்குட்பட்ட பிங்வத்த பகுதியில் அமைந்துள்ள சுற்றுலா ஹோட்டல் ஒன்றில் மிதிகம பொலிஸார் மேற்கொண்ட சோதனையின் போது 33 பேர் கைது செய்யப்பட்டனர். இதில் 28 இந்தியர்களும், 5 நேபாளிகளும் அடங்குவர். இவர்கள் அனைவரும் 25 முதல் 35 வயதுக்கு இடைப்பட்டவர்கள் என பொலிஸார் குறிப்பிட்டுள்ளனர்.

கைது செய்யப்பட்டவர்களுக்கு எதிராக பின்வரும் குற்றச்சாட்டுகள் முன்வைக்கப்பட்டுள்ளன: 
விசா இன்றி நாட்டில் தங்கியிருந்தமை. சுற்றுலா விசாவில் வருகை தந்து சட்டவிரோதமாக தொழில் செய்தமை. தீர்வையற்ற சிகரெட்டுகளை கைவசம் வைத்திருந்தமை. 

கணினி குற்றங்கள் சட்டத்தின் கீழ் வரும் மோசடிகளில் ஈடுபட்டமை.
இதேவேளை, ஹிக்கடுவை பகுதியில் 35 இந்தியர்களும் 20 நேபாளிகளும் கைது செய்யப்பட்டுள்ளதுடன், காலி பகுதியில் மேலும் 110 இந்தியப் பிரஜைகள் கைது செய்யப்பட்டுள்ளனர். இந்தச் சம்பவம் தொடர்பில் மிதிகம பொலிஸார் மேலதிக விசாரணைகளை முன்னெடுத்து வருகின்றனர்.