ரஷ்யாவுடன் வணிகம் செய்தால் பொருளாதார தண்டனைகள் நிச்சயம்: NATO தலைவர்!
உக்ரைனுக்கு ஆதரவு கரம் நீட்டிய அமெரிக்க அதிபர்!
பிரேசில், சீனா மற்றும் இந்தியா ஆகிய நாடுகள் ரஷ்யாவுடன் தொடர்ந்து வணிகம் செய்தால் கடுமையான பொருளாதாரத் தண்டனைகளைச் சந்திக்க நேரிடும் என்று நேட்டோ பொதுச் செயலாளர் மார்க் ரூட்டே எச்சரிக்கை விடுத்துள்ளார். புதன்கிழமை அமெரிக்க செனட்டர்களைச் சந்தித்த பிறகு செய்தியாளர்களிடம் பேசிய ரூட்டே, பெய்ஜிங், டெல்லி மற்றும் பிரேசில் ஆகிய நாடுகளில் உள்ள தலைவர்களை சமாதானப் பேச்சுவார்த்தைகளை தீவிரமாக எடுத்துக் கொள்ளுமாறு ரஷ்யஅதிபர் விளாடிமிர் புடினை வலியுறுத்துமாறு கூறினார்.
பொருளாதார தடை விதிக்கப்படும் என அச்சுறுத்தல்!
"நீங்கள் சீனாவின் ஜனாதிபதியாகவோ, இந்தியப் பிரதமராகவோ அல்லது பிரேசிலின் ஜனாதிபதியாகவோ இருந்து, ரஷ்யாவுடன் வர்த்தகம் செய்து அவர்களின் எண்ணெய் மற்றும் எரிவாயுவை வாங்குவதைத் தொடர்ந்தால், மாஸ்கோவில் உள்ள நபர்(விளாடிமிர் புடின்) சமாதானப் பேச்சுவார்த்தைகளை பெரிதாக எடுத்துக் கொள்ளவில்லை என்றால், நான் 100 சதவீத இரண்டாம் நிலைத் தடைகளை விதிப்பேன்," என்று ரூட் கூறினார். மூன்று நாடுகளின் தலைவர்களும் புடினை அமைதிப் பேச்சுவார்த்தைகளுக்கு உறுதியளிக்குமாறு நேரடியாக வலியுறுத்த வேண்டும் என்றும் ரூட் அழைப்பு விடுத்தார். "எனவே தயவுசெய்து புடினுக்கு தொலைபேசி அழைப்பு விடுத்து, அவர் அமைதிப் பேச்சுவார்த்தைகளில் தீவிரமாக இருக்க வேண்டும் என்று சொல்லுங்கள், இல்லையெனில் இது பிரேசில், இந்தியா மற்றும் சீனா மீது மிகப்பெரிய அளவில் தாக்கத்தை ஏற்படுத்தும்," என்று அவர் கூறினார்.
உக்ரைனுக்கு ஆதரவு கரம் நீட்டிய அமெரிக்க அதிபர்
அமெரிக்க அதிபர் டொனால்ட் டிரம்ப், உக்ரைனுக்கு புதிய இராணுவ ஆதரவை அறிவித்து, ரஷ்யா மற்றும் அதன் வர்த்தக பங்காளிகள் மீது கடுமையான வரிகளை விதிக்கப்போவதாக அச்சுறுத்திய ஒரு நாளுக்குப் பிறகு நேட்டோ தலைவரின் கருத்துக்கள் வந்துள்ளன. டிரம்பின் ஆதரவு திட்டத்தில் பேட்ரியாட் ஏவுகணை அமைப்புகள் போன்ற மேம்பட்ட ஆயுதங்களை அனுப்புவதும் அடங்கும் என்றும், அவை ரஷ்ய வான் தாக்குதல்களை எதிர்கொள்ள முக்கியமானவை என்று கெய்வ் கருதுவதாகவும் வெள்ளை மாளிகை தெரிவித்துள்ளது. மேலும் 50 நாட்களுக்குள் உக்ரைனுடன் எந்த சமாதான ஒப்பந்தமும் எட்டப்படாவிட்டால், ரஷ்ய எண்ணெய் வாங்குவதைத் தொடரும் நாடுகள் மீது இரண்டாம் நிலைத் தடைகளை விதிக்கும் திட்டங்களையும் டிரம்ப் சுட்டிக்காட்டினார்.
ரஷ்யா உடன் அதிக வணிகம் செய்யும் நாடு இந்தியா
ரஷ்யாவின் கச்சா எண்ணெயை அதிகம் வாங்கும் நாடுகளில் இந்தியா, சீனா மற்றும் துருக்கி ஆகியவை அடங்கும் என்றும், டிரம்ப் தடைகளை விதித்தால், இந்த நாடுகள் - குறிப்பாக இந்தியா - கடுமையான விளைவுகளை சந்திக்க நேரிடும் என்றும் தகவல்கள் தெரிவிக்கின்றன. உலகளாவிய விலைகள் ஏற்கனவே நிலையற்றதாக இருக்கும் நேரத்தில், இந்த நடவடிக்கை எரிசக்தி விநியோகத்தை சீர்குலைத்து செலவுகளை அதிகரிக்கக்கூடும். மறுபுறம், டிரம்பின் அச்சுறுத்தல்களுக்கு பதிலளிக்கும் விதமாக, ரஷ்ய துணை வெளியுறவு அமைச்சர் செர்ஜி ரியாப்கோவ், "அமெரிக்க அதிபர் டொனால்ட் டிரம்புடன் பேச்சுவார்த்தை நடத்த ரஷ்யா தயாராக உள்ளது, ஆனால் இறுதி எச்சரிக்கைகள் ஏற்றுக்கொள்ள முடியாதவை மற்றும் எந்த பலனையும் தராது" என்றார்.
