முப்பத்தெட்டு கிலோகிராம் எழுநூறு கிராம் கேரள கஞ்சா - பதினைந்து மில்லியன் ரூபாய்க்கு மேல்!
யாழ்ப்பாணம், எழுவை தீவுக்கு அப்பால் உள்ள புதுடு பகுதியில் 12,07,2025 நடந்த சிறப்பு தேடுதல் நடவடிக்கை!
யாழ்ப்பாணம், எழுவை தீவுக்கு அப்பால் உள்ள புதுடு பகுதியில் 12,07,2025 நடத்திய சிறப்பு தேடுதல் நடவடிக்கையின் போது, பதினைந்து மில்லியன் ரூபாய்க்கு மேல் மொத்த மதிப்புள்ள சுமார் முப்பத்தெட்டு (38) கிலோகிராம் எழுநூறு (700) கிராம் கேரள கஞ்சா கடற்படையினரால் கைப்பற்றப்பட்டது.
அதன்படி, யாழ்ப்பாணம், எழுவை தீவுக்கு அப்பால் உள்ள கடல் பகுதியில், வடக்கு கடற்படை கட்டளைக்கு சொந்தமான இலங்கை கடற்படை கப்பல் எலார நிறுவனத்தின் கடற்படையினர் நடத்திய இந்த சிறப்பு தேடுதல் நடவடிக்கையின் போது, குறிப்பிட்ட கடல் பகுதியில் மிதக்கும் சந்தேகத்திற்கிடமான பையொன்று (01) கண்காணிக்கப்பட்டு ஆய்வு செய்யப்பட்டது. அங்கு, அந்தப் பையில் அடைக்கப்பட்டிருந்த சுமார் முப்பத்தெட்டு (38) கிலோகிராம் மற்றும் எழுநூறு (700) கிராம் கேரள கங்சா கடற்படையினரால் கைப்பற்றப்பட்டது.
கடற்படையின் நடவடிக்கைகளின் மூலம் கரைக்கு கொண்டு வர முடியாததால், கடத்தல்காரர்கள் கேரள கஞ்சா கையிருப்பை எழுவை கடலில் கைவிட்டிருக்கலாம் என்று சந்தேகிக்கப்படுவதுடன், பறிமுதல் செய்யப்பட்ட கேரள கஞ்சா கையிருப்பின் மொத்த மதிப்பு பதினைந்து (15) மில்லியன் ரூபாய்க்கு மேல் இருக்கும் என்று நம்பப்படுகிறது.
மேலும், கடற்படையினரால் கைப்பற்றப்பட்ட கேரள கஞ்சா தொகையானது மேலதிக சட்ட நடவடிக்கைகளுக்காக ஊர்காவல்துறை காவல் நிலையத்தில் ஒப்படைக்கப்பட உள்ளன.
