வீரவணக்கம் சகோதரர்களே !
வீரவணக்கம் சகோதரர்களே !
என் மண்ணின் மாவீரர்களே! மூன்று அண்ணன்களே... உங்கள் தம்பியின் இதயத்திலிருந்து எழும் வீர வணக்கக் நினைவேந்தல்...
மூன்று அண்ணன்களாகப் பிறந்து, ஒரே தாயின் கருவறையில் வளர்ந்து, ஒரே வீட்டின் மகிழ்ச்சியாக வாழ்ந்து, இன்று மூன்று வரலாறுகளாகிப் போனீர்களே!
உங்கள் பாதைகள் வேறாக இருந்தாலும், உங்கள் இலட்சியம் ஒன்றாக இருந்தது... உங்கள் உயிர்கள் மண்ணில் புதைந்தாலும், உங்கள் தியாகங்கள் வரலாற்றில் புதையாது!
அண்ணா...
உங்கள் வீரத்தின் கதைகளை காலங்கள் பேசட்டும்... உங்கள் தியாகத்தின் நினைவுகளை தலைமுறைகள் சுமக்கட்டும்... உங்களைப் பெற்ற தாயின் கருவறை எத்தனை பெருமை கொண்டதோ! அதேபோல் இன்று அந்தத் தாயின் கண்களில் எத்தனை ஏக்கங்களும் கண்ணீரும் வலியும் தேங்கியுள்ளது.
உங்களை இழந்த தாயின் மனம் கடந்த கால நினைவுகளோடு போராடுகிறது. உங்கள் முகங்களையும் பெயர்களையும் மறந்து போகும் நிலையிலும், உங்களைப் பெற்ற அன்னையின் அன்பு என்றும் அழியாத உறவாக இருக்கிறது.
நான் உங்கள் தம்பி, கடல் கடந்து பிரான்ஸ் தேசத்தில் வாழ்கிறேன். உங்கள் நினைவுகளை நெஞ்சில் சுமந்து, தாயின் ஏக்கத்தை இதயத்தில் சுமந்து, தனிமையில் நாட்களைக் கடக்கிறேன்...
உங்களோடு வாழ்ந்த நாட்கள் இன்று கண்ணீரின் நினைவுகளாக... உங்கள் குரல்கள் இன்று என் மனதின் எதிரொலிகளாக...
மூன்று அண்ணன்களே! உங்கள் பெயர்கள் எம் இதயத்தில் பொறிக்கப்பட்டவை... உங்கள் நினைவுகள் எம் வாழ்வின் சொத்துக்கள்... உங்கள் தியாகத்தை மறக்காத தம்பியாக நான் என்றும் வாழ்வேன்! நீங்கள் மூவரும் எம் தாயின் கண்மணிகள்! எம் வாழ்வின் மூப் பெருமைகள்! எம் நினைவுகளின் மூன்று அத்தியாயங்கள்.
மரணம் உங்கள் உடல்களைப் பிரித்திருக்கலாம், காலம் உங்கள் முகங்களை மறைத்திருக்கலாம், ஆனால் உங்கள் மீதான எம் பாசத்தை எந்தச் சக்தியாலும் அழிக்க முடியாது.
வீர வணக்கம் அண்ணன்களே!
உங்கள் தியாகத்திற்கு எம் தலைதாழ் வணக்கம்! உங்கள் உயரிய நினைவுகளுக்கு இதய அஞ்சலி! என்றும் எம் நெஞ்சில் வாழும் எம் தெய்வங்களே... எம் உயிருள்ளவரை உங்கள் நினைவுகள் அழியாது!
உங்கள் தம்பி ரஜனி
